Ooola! Que tal? Imos
avanzando…
Seguen chegando fotos das vosas creacións de Ortografía
Ideovisual. Hoxe animáronse Alejandra e Cristina.
Parabéns polo voso traballo! Ademais temos un par de sorpresas!! Celia e Lorena achegan fotos e vídeos das
pequenas ras que conseguiron facer coa colaboración das súas familias. Fantástico traballo! Aquí volas deixo tamén!
Que vos parece si comezamos o día facendo un pouquiño de
exercicio? O vídeo “Bonito día” faravos
bailar!
Proposta de
tarefas
Hoxe faremos unha sesión especial de Plástica, sen esquecer
outras actividades.
Plástica: Despois de ver o
vídeo que vos explica como facer un “collage” propóñovos que busquedes por
casa diferentes materiais de reciclaxe ( papeis de envolver, de xornal, de
revistas, anacos de cartón ou tea, fotos…), unhas tesoiras e un pouco de
pegamento e vos animedes a crear o voso propio “collage”. Xa temos feito na
escola! Seguro, seguro que van saír fantásticas obras de arte! A temática é
libre.
Atención! Se non tedes pegamento sempre podedes recorrer a facelo
na casa. O pegamento caseiro chámase “engrudo”
Seguramente os vosos papás, mamás, avós e avoas o utilizaron sendo nen@s. Pois
déixovos un vídeo para que experimentedes. Ollo! Sempre coa axuda dun adult@!
Lengua
Castellana: Hoxe toca un Ditado ( preparar previamente para logo
facelo nunha libreta) e unha sinxela ficha de Técnicas de Estudo.
Matemáticas: Como facendo a ra estamos traballando o espazo ( liñas,
simetría, formas xeométricas…) seguide
practicando! Deste xeito tamén facemos Matemáticas!
E nada máis por hoxe. Mans á obra!
Unha aperta dixital!
