Escola de Randufe: ACTIVIDADES 4º. Venres 17 de abril

16/4/20

ACTIVIDADES 4º. Venres 17 de abril

Bo día! Xa chegou o venres de novo! Como vos ides organizando? Espero que ben. Lucía contoume que lle encantou o vídeo polo seu cumple! Alegrámonos Lucía!

Para empezar o día preséntovos a tarxeta de ortografía que enviou Lara . Fantástico Lara! Que ben que te animaches! Ademáis empezaron a chegar algúns gatiños. Alex preséntanos un gato observando a chuvia; Sharay un gato que brilla e mira as montañas; Celia un gracioso gato que mira cara ao bosque. e Lorena un gatiño mirando ao mar. Fantástico traballo chic@s!

Celia ademáis fainos unha interesante proposta de experimento que vos explico máis adiante. Moi boa idea! Seguro que vos vai gustar!

Comezaremos a xornada cunha proposta que porá a proba as vosas habilidades de coordinación, equilibrio, axilidade e … tamén a vosa paciencia. Que tal se vos dan os malabares? Probáchedes algunha vez? Aquí vos deixo un vídeo titorial para aprender. Espero que vos guste. Parece divertido! Ánimo!

Hoxe deixareivos algunha actividade de reforzo, pois o luns é “San Telmo” e non estará activo o blog, así que ide distribuíndoas como vós queirades.

Proposta de tarefas:

Ciencias Naturais: Proposta de experimento de xerminación; proposta de confección dun minilibro (vídeo explicativo) e xogo sobre “árbores de Galicia”.

Matemáticas: Ficha de dobres e metades e Ficha de problemas (vídeo)

Lingua Castelá: Ficha de gramática (vídeo explicativo) e xogos “on line”de ortografía.

Lingua Galega: Lect. Comprensiva. Aproveitade para facer unha lectura en voz alta con expresividade (pedide a algún familiar que participe con vós no diálogo).

Proposta de Celia: Experimento de mestura de substancias de diferentes densidades. Consiste en mesturar mel, fairy, auga con colorante, aceite e alcohol. O resultado é espectacular!