Escola de Randufe: ACTIVIDADES 4º. Martes 14 de abril

13/4/20

ACTIVIDADES 4º. Martes 14 de abril

Bo día chic@s!

Benvid@s de novo ao “blog Escola de Randufe”. Despois deste pequeno descanso, comezamos unha nova etapa. Que tal pasáchedes estas vacacións tan especiais? Espero que souberades ocupar o voso tempo e as vosas cabeciñas en actividades interesantes e divertidas. Como foi a maxia? Alguén se animou a facer bolboretas? Seguro que si.

Agora tócanos de novo volver ás nosas obrigas como estudantes. Seguro, seguro que ides usar toda a vosa enerxía para retomar as tarefas escolares. Comezaremos con tarefas sinxelas e de repaso, así que poñede todas as vosas habilidades en funcionamento.

Para comezar presentareivos, como viña facendo ata agora, as últimas achegas que recibín dos vosos traballos. Celia achéganos un fermoso e colorido “collage” e unhas graciosas bolboretas de papiroflexia. Iker e Manuel achegan tamén as súas producións artísticas relacionadas coas palabras de ortografía Ideovisual. Bo traballo chicos!

Alégrome de que pouco a pouco vos vaiades animando a enviar os vosos traballiños!

Seguidamente un vídeo de benvida. A ocasión merece un especial saúdo! Vai dirixido a tod@s vós!

Ademáis atoparedes un vídeo con consellos para adoptar unha postura correcta cando traballamos nunha mesa ou ordenador. Prestade moita atención!

Proposta de tarefas

Lingua galega: Ficha de escritura (intenta facer a túa mellor letra)

Matemáticas: Fichas de Cálculo Mental, Ficha de Problemas e Ficha de repaso.

Lingua Castelá: Crea o teu propio cómic. (Recorda facer boa letra, mensaxes curtas e claras e utilizar os signos de interrogación e admiración)

Ficha de Inxenio

Preséntovos tamén un orixinal libro de poemas titulado "Vaia tropa" para que vaiades lendo ao longo da semana ( achegado gratuitamente pola Ed. Xerais). É moi divertido!

Isto é todo por hoxe. Unha aperta xigante!