Este 17 de maio celebramos o DÍA MUNDIAL DA RECICLAXE e como
"AXENTES VERDES" do cole queremos recordar a tod@s a importancia
da reciclaxe para a sustentabilidade do noso planeta.
Que é a reciclaxe? É o proceso ao que se somete un elemento,
xa utilizado e destinado a ser material de refugallo, para obter un produto
novo.
Por que celebramos este día? Para concienciar a sociedade da importancia que ten tratar as sobras para
facer un mellor uso dos recursos naturais, reducir o impacto ambiental dos
nosos hábitos de consumo e idear formas creativas de redeseñar os nosos
obxectos para lles dar nova vida.
10 consellos para practicar a reciclaxe cada día
- Separa os envases de forma adecuada.
- Dobra as caixas de cartón para aforrar espazo en casa. Ademais, resultarache máis cómodo transportalas ao colector azul. E lembra metelas dentro.
- Tira as botellas de plástico ao colector amarelo. Con só 80 botellas de plástico recicladas pode facerse un anorak, e con outras 70 máis, fabricar unha gabardina!
- As latas de refrescos e de conservas van ao colector amarelo tamén. Sabías que serven para fabricar novos produtos de aluminio como envases, novas latas e ata marcos de xanelas?
- Lembra que os briks van ao colector amarelo, e non ao azul.
- Compra produtos cuxos envases sexan respectuosos co medio ambiente.
- Mostra aos máis pequenos que reciclar resulta un xogo divertido.
- Reutiliza as bolsas de plástico tantas veces como poidas. E, despois, deposítaas en colector amarelo.
- Levar ao teu Punto Limpo municipal ou tenda de electrónica os aparellos eléctricos e electrónicos, lámpadas e baterías.
- O aceite usado que acaba no fregadero contamina a auga. Reutilízao e méteo nun depósito de plástico para levalo ao momento Limpo.
