Ola familias!
Que tal imos? Xa estamos chegando á recta final do curso, pero outra semana máis deixo unha proposta de actividades para facer.
CONTO
Deixo o enlace para quen non o poida ver dende os teléfonos, https://www.youtube.com/watch?v=qcbf6wsEvnI
MANUALIDADE EN RELACIÓN AO CONTO
Facer os animaliños do conto en plastilina.
Recordade a importancia de traballar as mans por iso modelas plastilina é ideal.
REPASO DOS NÚMEROS ATA O 3 E AS VOGAIS
Para repasar o números, precisamos folios e cores, nun folio escribiremos arriba de todo os números 1, 2 e 3 (se vedes que son capaces podedes aumentar os números ata o 5, 6, etc.), logo hai que asignarlle unha cor a cada número. Por último, escribiremos os números polo folio de maneira aleatoria. Os nenos e nenas terán que ir facendo círculos arredor dos números tendo en conta a cor asignada. Deixo unha foto como exemplo... Podemos facelo unha primeira vez axudando coas cores e logo, unha segunda vez escribindo os números todos de negro e non darlle pistas.
Para repasar as vogais, faremos exactamente o mesmo pero cambiando os números polas vogais en maiúsculas.
Variante para seguir repasando o nome, podemos tamén nun folio escribir as letras do seu nome salteadas e mesturadas con outras. Teñen que topalas e rodealas ou marcalas dalgunha maneira.
SERIE
Para esta semana, imos volver facer outra serie, esta vez con elementos naturais como pedriñas, follas, flores... Pode ser pedra, flor, folla... Seguro quedan moi bonitas!!!!! ;)
PUZZLE
NATALIA
