Ola a
tod@s! Como ides pasando o tempo? Pouco a pouco vai pasando a semana e XA
estamos a mércores!
Hoxe
presentaremos os graciosos debuxos de Mussé
e de Paula. Todos son diferentes! A
colección continúa aumentando… Alégrome de que vos sigades animando!
Para
empezar o día propóñovos facer unhas sinxelas sombras chinescas! Se queredes practicar non tedes máis que buscar
na casa unha tea branca ou de cor claro, unha lanterna ou foco de luz e as
vosas propias mans. Aquí vos deixo un vídeo de mostra… espero que vos guste!
Proposta de tarefas
Lingua galega:
Comezaremos vendo un corto animado.
Non ten título, simplemente é unha historia. Pois ben, a miña proposta é que
unha vez vista, escribades coas vosas propias palabras a historia. Deíxovos
unha plantilla para ordenar as ideas e outra para escribir.
Matemáticas: Hoxe toca un pouco de Cálculo.
Lectura en Lingua Castelá: Engádovos
un enlace que vos levará a unha páxina con estratexias para practicar a velocidade lectora. Animádevos a ler os
“Contos secretos”. Son un pouco
curiosos…
Ciencias Sociais: Qué tal
foi o Test de autoavaliación? Seguro que ben! Achégovos unha canción para repasar os nomes dos
continentes.
E por
último déixovos un reto de papiroflexia.
Seredes quen de construír unha ra de papel? Tómadeo con calma, ao final
complícase un pouco. É cuestión de insistir!
Por certo
animádevos a enviar fotos vosas ás dirección de correo que vos indican no blog.
Estamos desexando crear outro vídeo de convivencia!
Ata mañá!
Outra aperta!
CORTO ANIMADO
PLANTILLA REDACCIÓN
FICHA REDACCIÓN
ORUGAS MATEMÁTICAS
FICHA CÁLCULO
LECTURA
CANCIÓN CONTINENTES
