Os que non recoñecen a autoridade do rei Xosé I organízanse en Xuntas de Defensa e loitan contra os que recoñecen o novo rei e contra o exército francés. Estas Xuntas de Defensa convocan na cidade de Cadiz a reunión dunha asemblea constituínte que se coñece como Cortes de Cadiz.
A situación de non aceptación do novo rei Xosé Bonaparte tamén se produciu nas colonias americanas da monarquía hispana, onde tamén se constituiron xuntas de defensa. O que comezaba como unha reacción á nova monarquía bonapartista levaría en pouco máis dunha década á independencia de todas as colonias americanas agás Cuba e Puerto Rico que seguirían baixo a soberanía do rei de España até a derrota española na guerra cos EUA en 1898.
