A chegada dos Borbóns trouxo a imposición das leis castelás e do idioma de Castela sobre os reinos da antiga Coroa de Aragón. Así estes países padeceron a partir deste momento o mesmo proceso de imposición que padeceu Galiza a partir do século XV. A ferramenta xurídica foron os Decretos de Nueva Planta.
En 1788, xusto ano antes da Revolución Francesa, morre Carlos III e accede ao trono o seu fillo Carlos IV. Os vinte anos deste reinado estiveron marcados polo goberno de Manuel Godoy, nomeado primeiro ministro ou ministro universal (tamén Príncipe de la Paz) polo rei Carlos IV.
A revolución francesa trouxo a desaparición da monarquía borbónica en Francia e os conseguintes pactos de familia que mantiñan cos Borbóns do trono español. Porén as alianzas con Francia volveron a estabelecerse en pouco tempo xa con Napoleón liderando Francia. Asínanse varios tratados con Francia que trouxeron entrar de cheo nas guerras napoleónicas. Primeiro foron os Tratados de S. ildefonso e Aranjuez e posteriormente o Tratado de Fontainebleau que trouxo tropas francesas á Península Ibérica.
