Cos arrecendos natalicios aínda frescos chega un novo "En galego,... máis e mellor" que recolle unhas consideracións de Helena Villar Janeiro sobre os agasallos e os verbos que nos traen os presentes. Na portada outra mentira, a número 9, das que recolleu ProLingua sobre o galego, a de aqueles que protestan porque a sinaléctica e a documentación oficial estea en galego, algo que por desgraza nin sequera é certo sempre; non hai máis que se pasear por Tui para ollar como moitos dos sinais e da información oficial non están en galego. Na contracapa unha cita de Antón Vilar Ponte e unha imaxe de dúas noticias do xornal La Voz de Galicia que reflicten un tratamento informativo intolerábel que criminaliza o uso da nosa lingua.
