Escola de Randufe: ACTIVIDADES 4º PRIMARIA. Luns 23 /03/20

22/3/20

ACTIVIDADES 4º PRIMARIA. Luns 23 /03/20

Ola de novo a tod@s! Como estades?

Comeza unha nova semana! Sabemos que é moi complicada esta forma de traballo, sobre todo para algún de vós, pero non temos outro xeito de facelo. As circunstancias nos colleron de sorpresa a TOD@S!

Recórdovos que os/as que non teñades impresora podedes ir facendo as actividades nun caderno ou en folios indicando a data, o título da actividade e o número do exercicio. Non é preciso copiar os enunciados.

Aconséllovos ir facendo o traballo pouco a pouco, cada un ao seu ritmo. Hai actividades dabondo para os que ides rematando máis rápido as tarefas. Vós sodes os que tedes que planificar os vosos propios tempos. Intentarei respectar o horario habitual de clase.

Non deixedes de ler un pouquiño cada día, é importante manter o ritmo lector ( lectura en voz alta e tamén en voz baixa).

Creei unha conta de correo electrónico ( classranduferandufe@gmail.com) por se queredes preguntar algunha dúbida ou simplemente comunicarvos.

Para hoxe luns 23 fágovos a seguinte proposta:

Despois de disfrutar do vídeo de presentación, preséntovos unas fichas de Vocabulario de Lingua Galega e de Gramática de Lengua Castellana (reforzo) seguindo co tema 9. Non deixedes de ver o vídeo explicativo dos Pronomes Persoais.

A continuación pasamos a Matemáticas. Comezaremos o tema do “Diñeiro” (fichas de presentación, problemas e xogo on line). Tamén algunha ficha de Cálculo Mental e proposta de video-xogo.

Para a materia de Ciencias Sociais pasaremos a un documento relacionado coa Xeografía de España. Atención! Dicirvos que no documento da semana pasada relativo á Xeografía de Galicia hai un erro na páxina 3 (relacionado cos puntos cardinais). Seguro que algún de vós xa caeu na conta! Envíovos o documento corrixido, fixádevos ben na “roseta dos ventos”.

Imaxino que xa tedes aprendido o mapa de Galicia, así que agora toca aprender o de España ( non é preciso aprender o nome das provincias) Para comezar ide memorizando as comunidades autónomas e os limites xeográficos. Preséntovos tamén un xogo “online” e dous vídeos explicativos.

Ánimo chic@s! Seguide esforzándovos!

Unha aperta dixital!