Escola de Randufe: ACTIVIDADES 4º. luns 30/03/20

29/3/20

ACTIVIDADES 4º. luns 30/03/20

Bo día! Como estades? Benvid@s a unha nova semana no Blog do Ceip de Randufe!

Esperamos que vos gustara o vídeo que fixemos @s profes! Fixémolo con mooooito cariño! Gustáronvos as nosas mascotas?

Esta semana comezarémola presentándovos as tarxetas de Ortografía Ideovisual que fixeron: Sharay, Miguel, Mario, Lorena e Celia. Imos velas… Bo traballo chic@s! Os demais aínda estades a tempo… podemos completar a colección!

A continuación propóñovos comezar a semana cun pouco de exercicio físico. Que vos parece aprender un pouco de ioga? Aquí vos deixo un vídeo explicativo do ”Saúdo ao Sol”. Animádevos a practicar!

Outras actividades:

Matemáticas: Envíovos un documento coa táboa do 100 e un vídeo explicativo para recordar como traballar con ela, tamén fala doutras táboas máis avanzadas, que nós aínda non traballamos, pero non está de máis aprender: ” O saber non ocupa lugar”. Logo atoparedes dúas fichas de “Crucinúmeros” e unha ficha de “Dibujo escondido”.

Lingua Castelá: Seguimos repasando algúns conceptos gramaticais. Para iso achégovos o folleto de Gramática que tod@s tiñades na carpeta, para que poidades consultar os conceptos e facer a ficha que vos presento. Tamén engado algúns vídeos e xogos para repasar.

Lingua Galega: Achégovos unha lectura : “A rá auténtica” . Soamente é para que fagades unha lectura con atención. Primeiro en voz baixa e logo un par de veces en voz alta entoando ben! Podedes pedirlle aos vosos papás que vos graven, aínda que soamente sexa un fragmento, así poderedes comprobar como vai a vosa fluidez lectora e a vosa habilidade para entoar.

E … por último C. Sociais: facer un último repaso a través dun xogo sobre o mapa de España (comunidades autónomas) . Mañá enviareivos un pequeno test para que poidades autoavaliar a vosa capacidade memorística.

Deíxovos tamén un Mapa Mundi mudo para que refresquedes a vosa memoria e cubrades co nome dos continentes e océanos.

Ánimo e forza! Unha aperta !